रात्र माझी झोपतांना,पाहतो मी,
आसवांना पाहतांना,वाहतो मी!
तीच होती,राजवर्खी,ओळ छोटी,
काळजाला छेदतांना,साहतो मी!
चांदण्यांनी शापलेला,चंद्र माझा,
ग्रासलेल्या लोचनांनी,सांधतो मी!
रोज चालॆ,खेळ माझा,प्राक्तनाशी,
वादळांना वेग थोडा,मागतो मी!
का छळावे,यातनांनी,माणसाला?
वाद नाही,फक्त थोडा कावतो मी!
भास आणिक शोष आता,मोप झाला,
रे 'गणेशा' हात यांना,दावतो मी!!
@@@@@@@@@@@@@@@@@@@@@@@@@@@@@@
-निशिगंध(गणेश शिंदे,दुसरबिडकर)
:+9975767537