कोठुनी शिकलेअसे हेे विस्तवाने
आतल्या आतून जळते मन पहाणे?
ताठ मानेने जरा जगण्यास गेलो,
मोडले मज 'ताठ' पाहूनी जगाने..!!
गंध आयुष्या तुझा कळल्यावरी मग,
सोडला हेका कसा बघ अत्तराने..!!
प्रेम नुसते वाटण्याची गोष्ट नाही..
जाणले तर स्वर्ग आहे,बघ मनाने..!!
वायदा दुःखासवे कुठलाच नाही..,
पण तरी हा सोबती असतो सुखाने..!!
भावनाही स्वस्त झाल्या फार आता
माणसांनी काढले बघ कारखाने..!!
दूर गेली फार तू कुठल्या कलेने?
तोडणे अवघड मला अंतर शहाणे..!!
श्री 'गणेशा' तोच माझ्या जिंदगीचा,
घेतला बघ श्वास जेव्हा काळजाने..!!
-गणेश शिंदे,दुसरबिडकर..
9975767537