'येतो...' ..म्हणतांना...
पाऊल अडखळत
उंबरठाही थीजतो
निरोप घेतांना कसा
उगा चेहरा भिजतो...!!
निघत नाही सहसा
मग हातातला हात
सुटता सुटत नाही
कशी मिठीतली साथ..!!
डोळ्यात वाहत पाणी
काळजात खळबळ
नजरांना टाळूनही
पाहण्याची कळकळ..!!
जाववतं नाही अन
मागे पाहवतं नाही
दुराव्याचे क्षण असे
मग साहवत नाही..!!
'जपत रहा..स्वतःला.'
ओठ अडखळतात
सांगायचं खुप, पण
शब्दच अडकतात..!!
'येतो..'त्याचही तसंच
झर्रकनच वळतो..
पावसाळी डोळ्यांतून,
पार दिसेनासा होतो ..!!
खराच पाऊस आता
मुसळधार वाहतो..,
तीच्या,त्याच्या डोळ्यातच
मुक्काम करु पाहतो.....!!
आषाढातलां वैशाख
संपत नाही जोवर...
डोळ्यातले कृष्णमेघ
संपत नाही तोवर.....!!!!!
-गणेश शिंदे,दुसरबिडकर....
9975767537